Поздравления на татарском языке

70 яшькэ

Син изге җан, син, мөгаен,
Фәрештә затыннансың.
Яратабыз шуңа сине,
Зур хөрмәткә лаек син.

Утлар, сулар кичтең, батмадың,
Авыр еллар буйлап атладың.
Бирешмәдең җилгә, буранга
Чын мәгънәсендә кеше булганга.

*****

Маңгаенда сырлар — үткән еллар,
Борчуларың эзе — ак чәчең.
Җиде балаң, әткәй, рәхмәт әйтә,
Котлы булсын 60 яшең.

Язгы бөреләр тулган, яфрак ярган, кояш
җылысы дәрт уяткан, күңелне юаткан
көннәрнең бер мизгелендә тугансың.
Шул якты мизгелең белән котлыйм!

Мин телимен сезгә: бар хыяллар
Соңламый тормышка ашсыннар.
Мәхәббәттән тулган хисләрегез
Гөрләвектәй кайнап ташсыннар.

Мин телимен сезгә: бар уңышлар
Вакытында килеп торсыннар.
Дус, туганнар, дошман дигәннәр дә
Изгелекләр генә кылсыннар.

Мин телимен сезгә: сөйгәнегез
Яныгыздан бер дә китмәсен.
Еллар белән сөю арта барсын,
Хисләрегез берүк кипмәсен.

Мин телимен шатлык, ак бәхетләр,
Җаныгызга телим тынычлык.
Дөнья көткән чакта саулык белән
Юлдаш булсын сезгә тырышлык.

Венер Фәттах

*****

Карашларың җылы яңгыр кебек,
Елмаюың айдай сөйкемле.
Шәфкатеңнең иге-чиге юк бит,
Кояш чәчкән нурлар шикелле.