Алтын туй

Сез булганда без бәхетле,
Нигезебез нурлы, сөйкемле.
Адашканда hәрчак юл күрсәтеп,
Яктыртучы йолдыз шикелле.

Авырлыклар туса бу тормышта
Киңәш сорап сезгә киләбез,
Сездән күргән изгелекләр өчен
Рәхмәт әйтеп башны иябез.

*****

Ярты гасыр иңне-иңгә куеп
Гомер иттегез.
Үтеп алтын вакытларны,
Алтын туйга җиттегез.
Сезне искә төшерәбез, тигез парлар дигәндә
Тәбриклибез, әнкәй, сине
70 яшең белән дә.

*****

50 ел кулга-кул тотынып
Пар былбылдай тормыш итәсез.
Авыр чакта аумас терәк булып,
Гомер йомгакларын сүтәсез.

Ә без сезгә карап сокланабыз
Ихтирамлы сезгә карата.
Лаек парларның сез иң гүзәле.
Сезне күңел шуңа ярата.

Нинди бәхет, чәчкә чал керсә дә
Эти-эни — диеп дәшәбез.
Безгә терәк, оныкларга шатлык,
Озак-озак тигез яшәгез!

*****

Безнең өчен пар йолдызлар булып,
Күңел күгебездә яныгыз.
Кайгы-сагышларны hич күрмәсен
Мәрхәмәтле олы җаныгыз

Авырлыклар аша бергә кичеп,
Шатлыкларны икәү бүлеп кенә.
Пар сандугач кебек көн итегез,
Бер-берегезнең кадерен белеп кенә.

*****

Әти-әниебез!
Сезнең матур, күркәм бәйрәмегез безнең өчен дә куанычлы
вакыйга. Сез безгә изгелек, татулык, тырышлык hәм хезмәт сөю
үрнәге булдыгыз. Киләчәктә дә бар якыннарыгызның күңел
җылысын тоеп, исәнлек белән тиң-тигез гомер итүегезне телибез.

*****