Записи с меткой «Поздравления на татарском языке»

Язгы шигырьлэр хэм котлаулар

Үзегезне ихлас күңелдән ямьле яз белән котлыйбыз!

Яз-безнең тыйнак тормышыбызга
яңа көч, дәрт, омтылыш, ышанычлар алып килә торган вакыт.
Яз сулышы гаиләгезгә муллык алып килсен,
күңелләрегезгә сабырлык, барчагызга саулык китерсен.
Ходай сезне үз шәфкатьлелеге, рәхимлелегеннән ташламасын,
теләкләрегезне тормышка ашырырга ярдәм итсен,
өстәлләрегез ямьле, аш-суларыгыз тәмле,
бәйрәмегез мөбәрәк булсын.

Читать далее

8 март белән

8 МартаКөннең яктылыгы кояшта,
күкнең матурлыгы йолдызларда,
җир йөзенең гүзәллеге хатын-кызларда.
Сине шул җир йөзен бизәген
халыкара хатын-кызлар көне белән тәбриклим!
Бәйрәмнең кайсы да тәнгә җиңеллек,
рәхәтлек, җанга ял алып килә.
Шушы бәйрәм көне, елмаеп баткан кояш матурлыгын,
табигатьнең самимилеген өстәп,
күңелеңә шатлык, тәнеңә сихәтлек,
өеңә иминлек алып килсен.

*****

Читать далее

Яңа ел. Шигырьләр, котлаулар

Яна ел

Бездә бүген Яңа Ел

Кунакка килгән зур чыршы,
Яңа елны матурлап.
Кызлар уйнап йөри анда,
Малайлар күп, батырлар.

Кызлар, малайлар уйнарга
Җыелганнар кай-ара,
Чыршыны тирәләп утлар
Җемелдәшеп шаяра.

Яшел ылыслар артында
Әкият качып тора,
Эчендәге бар серләрне
Ачарга кызыктыра.

Чыршы тулы уенчыклар,
Ә башында йолдыз бар.
Куяннар, тиеннәр күпләр,
Шаян алар, елгырлар.

Күзләрдә бәхет елмая,
Ә шатлыкка чама юк.
Без биибез һәм җырлыйбыз,
Бездә бүген Яңа ел!

Венер Фәттах

*****

Ах Кыш бабай, Кыш бабай!
Син һаман шаян малай:
Колагыма өрәсең,
Куеныма керәсең,
Үбәсең син битемне…
Шулай булмый бит инде!
Борының да кып-кызыл
Әллә берне салгансың.
Бүген кар да яумады,
Әллә йоклап калгансың?
Давай, давай Кыш бабай,
Тарат син бүләгеңне.
Бәйләнеп йөрмә миңа,
Ал давай көрәгеңне.
Көрә карыңны өеп,
Иген мул булсын диеп
Синең вакыт бер генә
Барына да өлгер генә.

Гөлфия Низаметдинова

*****

Яңа ел килә

Күңел көтә яңа елның
Ак мамыктай карларын,
Ап-ак шәлле агачларын
Эх зәхәр бураннарын.
Ак басуны ярып үткән
Тирән чана юлларын
Истә әле зарыкканнар
Көтеп яңа елларын.
Ул теләкләр, ул бүләкләр
Яңа елнын көнендә,
Рэхэт чаклар, кызык чаклар
Онытылмый бүген дә.
Менә тагын әкрен генә
Атлап килә Яңа ел,
Теләкләрем тормышыма
Ашсын иде дим быел.
Кайгы-хәсрәтләр булмасын
Булмасын авыртулар,
Тыныч яшәсәк иде дим
Булмасын югалтулар.
Хәрбер җанның күңеленә
Изгелекләр бүләк ит,
Ялгызларга пар насип ит
Ялгыз тормыш авыр бит…
Монлыларга, зарлыларга
Күңеле китекләргә,
Зур ышанычлар алып кил
Көттермә, интектермә.
Әткәй-әнкәй фатихасын
Дөрес алсын балалар,
Хәр нәрсәдә тәртип булса
Тыныч булыр дөньялар.
Нурың белән кил Яңа ел
Ап-ак көннәрең белән
Без дә сине каршы алыйк
Якты өметләр белән!

Алия Султан

*****

Кәҗә малы әрсез хайван
Килер ел да булыр әрсез,
Җитез, эшчән, хыянәтсез,
Үз язмышын үзе әрчер.

Кыйналыр да, сыйланыр да
Гаеп эзләп йөремәс җилдән,
Дуамаллык аркасында
Сазына да батыр-билдән.

Сызландырмас үз бәхетен,
Аерыр да кавыштырыр,
Сагыш кушып шатлыгына
Бисмилладан таңы атыр.

Сарыфламас үз язмышын,
Үз сукмагын такыр итәр,
Башына уй керә калса
Таш яуса да юлын үтәр.

Кәҗә өчен юл кирәкми
Таш аралап менәр тауга,
Башын имәс дошманына,
Аның өчен чит, ят гау-га.

Кәҗә малы әрсез хайван,
Шат йөз белән каршы алыйк!
Юраганнар алга килсен
Сау-сәламәт булып калыйк!

Найля Аюпова

*****

Яңа елга теләгем!

Ап-ак карларга уралып
Син киләсен Яңа ел!
Ак карлардай ак бәхетле,
Булсын безнең яңа юл.

Хуш киләсең, Яңа ел!
Табыныбыз мул булсын,
Якыннарым, дус-ишьләрем,
Табын турендә торсын!

Яңа ел барыбызга
Китерсен бәхет, шатлык.
Сәламәтлек юлдаш булсын!
Кирәкми башка затлык.

Тынычлык булсын илдә,
Елмайсын йөзләр гел дә!
Күк йөзендә кояш безгә,
Нурларын сипсен гел дә!

Эшьләребез уң булсын,
Тик шатлыклы минутлардан
Безнең гомерләр торсын!
Яңа ел котлы булсын!

Гульфия Гизатова (Муртазина)

*****

Читать далее

Алтын туй

Сез булганда без бәхетле,
Нигезебез нурлы, сөйкемле.
Адашканда hәрчак юл күрсәтеп,
Яктыртучы йолдыз шикелле.

Авырлыклар туса бу тормышта
Киңәш сорап сезгә киләбез,
Сездән күргән изгелекләр өчен
Рәхмәт әйтеп башны иябез.

*****

Ярты гасыр иңне-иңгә куеп
Гомер иттегез.
Үтеп алтын вакытларны,
Алтын туйга җиттегез.
Сезне искә төшерәбез, тигез парлар дигәндә
Тәбриклибез, әнкәй, сине
70 яшең белән дә.

*****

Читать далее

Энкэй

Эни

Әнкәйләргә

Кадерле әбиләр,
Яраткан әниләр.
Апалар, сеңелләр
Бик матур ханымнар.
Чәчәккә тиң кызлар,
Гүзәлнең гүзәле.
Матурның матуры,
Сез Аллам бүләге
Сез гүзәл затларга
Кояш та елмая,
Дөньяга килгәндә
Җир Ана куана.
Күктәге йолдызлар
Нурларын сибәләр.
Аланда чәчәкләр
Башларын ияләр.
Яшәүнең давамы
Сездә бит әниләр.
Дөньяга киләләр,
Тик сездән бәбиләр.
Газизнең, газизе
Изгенең, изгесе
Хәр кемгә кадерле
Тик газис әнисе.

Лилия Ф Гиматдинова

Читать далее

9 май. Жину бэйрэме белэн!

Искә алыйк, оныта күрмик.9 май

Искә алыйк, үлеп калган,
Исемнәре югалган.
Илнең батыр егетләрен
Сугыш утында янган.

Искә алыйк илен саклап
Сугышкан әтиләрне,
Ирләр кебек, үгез җигеп
Җир сөргән әниләрне.

Искә алыйк, башны иеп
Сөя дә алмый калып,
Япь-яшь кенә егетләр
Сугышта калган үлеп.

Искә алыйк туташларны,
Шәфкәть кулларын сузып
Коткарып солдатларны
Үзләре калган үлеп.

Искә алыйк балаларны
Партизан булып йөреп,
Фашистлар белэн сугышкан
Кечкенә генә булып.

Искә алыйк лагерларда,
Җаза утында янып,
Интегеп үлгәннәрне
Күп газапны кичереп…

Искә алыйк әниләрне
Сугыштан хәбәр көтеп,
Көне, төне утырганнар
Сагыш утында янып.

Оныта күрмик дусларым
Авыр сугыш елларын,
Шул сугышны жинеп чыккан
Илнен батыр улларын.

Лилия Гиматдинова

*****

Җиңү көне

Менә тагын килде ҖИҢҮ көне!!!
Аннан бөек бәйрәм бармы соң?
Ә син, әтием, ничә еллар инде
Авыл һәйкәле янына бармыйсың.

Килми анда синең тиңдәшләрең,
Алар күптән инде үлеп беттеләр.
Киләчәккә тыныч тормыш төзеп
Үткән тарихны да алып киттеләр.

Син дә киттең, әтием, мәңгелеккә,
Ишетәсеңме Җиңү салюты тавышын?
Ә ул сөйлиме әллә сугышта эзсез
Югалып калган абыең сагышын.

Бәлки, сөйлидер ул яшь солдатларның,
Сугыш кырларында ниләр күргәнен?
Соңгы сулыш сулаганда әниләренең
Йөрәкләре чәнчеп ниләр сизгәнен.

Әче хәбәрләр килгәндер җилләр алып,
Кинәт кагып капкаларын күпләрнең.
Аналар йөрәге аңлагандыр киләчәктә
Мәңге ачылмаслыгын зәңгәр күкләрнең.

Җилләр сөйләгәндер таныш сукмакларга
Язмышларын югалганнарның чит җирдә.
Аналарга билгесезләр бик күп яталар әле,
Билгесез солдатлар булып күп чит илдә.

Билгесез солдатларның изге җаннары
Йөриме икән кырларда җил булып?
Басканнармы әллә биек тау башына,
Ә җил йөри анда сагышлы җыр сузып.

Кайта алмыйсың, әтием, һәйкәл янына,
Үтә синсез Җиңү тантанасы бүген дә.
Тыныч йокла әтием, тыныч йокла,
Мин шатланам илнең тыныч күгенә.

Ильдар Бикмуллин

*****

Җиңү көне

Җиңү алып килгән яз айларын
Һәрбер буын көтә өзелеп.
Аны каршылаучы ветераннар,
Әйтерсеңлә, кала сөзелеп
Бөрөләрен ачкан өметләре
Һаман нидер көтә сизенеп.
Яу яланы, бары хәтерләтә
Күпме калган гомер өзелеп.
Салмак кына атлый ветераннар,
Җиңү хисен тотып кулында.
Утлы еллар һаман кисәтәләр
Киртә булып алар юлында.
Түшләрендә орден, медальләре,
Чыңлап җыр сузылар узара
Чал тарихка кергән батырларның
Гомерләрен ничек сузарга?!

Гузалия Файзуллина

*****